Бізнес-навіны

Прадпрыемствы "Беллегпрама" ў I квартале экспартавалі 58,3 працэнта прадукцыі

Фота з архiва

5 мая, Мінск /Юлія Неманкова - БЕЛТА/. Прадпрыемствы "Беллегпрама" ў першым квартале 2020 года экспартавалі 58,3 працэнта прадукцыі, паведамілі карэспандэнту БЕЛТА ў прэс-службе канцэрна.

"Прадпрыемствы канцэрна "Беллегпрам" у студзені - сакавіку экспартавалі прадукцыі на $109,1 млн, гэта склала 58,3 працэнта ад агульнага аб'ёму вытворчасці. Тавары лёгкай прамысловасці пастаўляліся ў 41 краіну свету", - адзначылі ў прэс-службе. Імпарт за першы квартал дасягнуў $59,6 млн, або 81,9 працэнта да адпаведнага перыяду 2019 года. Сальда знешняга гандлю таварамі склалася дадатнае ў суме $49,5 млн.

За першыя тры месяцы 2020 года арганізацыі "Беллегпрама" вырабілі прамысловай прадукцыі на Br422,6 млн, што на 1,3 працэнта больш, чым за аналагічны перыяд мінулага года.

Сярэднямесячная заработная плата ў цэлым па канцэрне па выніках работы за студзень - сакавік бягучага года склала Br802,4.

У канцэрн "Беллегпрам" уваходзяць 96 арганізацый, 76 з якіх - прамысловыя. Прампрадпрыемствы дзеляцца па галінах: тэкстыльная, швейная, трыкатажная і гарбарна-абутковая. Яны выпускаюць 60 працэнтаў агульнага аб'ёму вытворчасці тавараў лёгкай прамысловасці ў Беларусі і 21 працэнт агульнага аб'ёму вытворчасці айчынных нехарчовых тавараў. Прадукцыя пастаўляецца ў 56 краін свету.

версія для друку

зрабіць стартавай

дабавіць у выбранае