Бізнес-навіны

Прадпрыемствы "Белдзяржхарчпрама" ў 2022 годзе нарасцілі экспарт прадукцыі на 15 працэнтаў

Фота з архiва

14 лютага, Мінск /Кар. БЕЛТА/. Прадпрыемствы "Белдзяржхарчпрама" ў 2022 годзе нарасцілі экспарт прадукцыі на 15 працэнтаў. Аб гэтым у інтэрв'ю карэспандэнту БЕЛТА расказаў старшыня канцэрна "Белдзяржхарчпрам" Алег Жыдкоў.

Арганізацыі, якія ўваходзяць у склад канцэрна, у 2022 годзе паказалі добры вынік і ўнеслі дастойны ўклад у развіццё эканомікі краіны. Даведзеныя "Белдзяржхарчпраму" паказчыкі і заданні поўнасцю выкананы", - сказаў Алег Жыдкоў.

Усе прадпрыемствы ўпершыню за гісторыю існавання канцэрна выйшлі на эфектыўную работу. "1 студзеня 2022 года ў складзе "Белдзяржхарчпрама" было шэсць стратных прадпрыемстваў", - адзначыў ён.

"Па выніках работы ў 2022 годзе аб'ём экспарту нашых арганізацый склаў 115 працэнтаў да ўзроўню папярэдняга года. Вядома ж, за мяжой запатрабаваны нашы ласункі, плодаагароднінная прадукцыя, алкагольныя і безалкагольныя напіткі. Заўсёды ёсць павышаны попыт на цукар і соль. Прадукцыя ААТ "Мазырсоль" займае чвэрць расійскага рынку солі, у тым ліку больш як палавіна ў рыначным сегменце "соль экстра". Акрамя Расійскай Федэрацыі соль экспартуюць яшчэ ў 14 краін", - расказаў старшыня канцэрна.

Паводле яго слоў, міжнародная эканамічная і палітычная турбулентнасць не аказалі негатыўнага ўплыву на экспартную дзейнасць прадпрыемстваў канцэрна. "Павялічылася і сярэднямесячная заработная плата ў цэлым па канцэрне: тэмп росту рэальнай зарплаты склаў 110,2 працэнта да адпаведнага перыяду 2021 года", - акцэнтаваў увагу Алег Жыдкоў.

*** Поўны тэкст інтэрв'ю чытайце на стужцы навін і сайце БЕЛТА.

версія для друку

зрабіць стартавай

дабавіць у выбранае