Бізнес-навіны

Прадпрыемствы АПК з Валгаградскай вобласці гатовы працаваць у Беларусі праз БУТБ

Фота прэс-службы БУТБ

8 чэрвеня, Мінск /Кар. БЕЛТА/. Прадпрыемствы АПК з Валгаградскай вобласці гатовы працаваць у Беларусі праз Беларускую ўніверсальную таварную біржу. Аб гэтым паведамілі БЕЛТА ў прэс-службе БУТБ.

У ходзе перагавораў з дэлегацыяй сельгасвытворцаў Валгаградскай вобласці Расійскай Федэрацыі, якія адбыліся ў цэнтральным офісе Беларускай універсальнай таварнай біржы, шэраг прадпрыемстваў рэгіёна выказалі зацікаўленасць у рэалізацыі сваёй прадукцыі на біржавых таргах.

У прыватнасці, аб гатоўнасці пастаўляць у Беларусь прасяныя крупы, раслінныя алеі і грануляваны камбікорм заявіў генеральны дырэктар ТАА "Фралоўскі элеватар" Анатоль Быкаў. Паводле слоў бізнесмена, высокая канцэнтрацыя попыту, якую забяспечвае БУТБ, дазволіць паўнацэнна раскрыць экспартныя магчымасці яго прадпрыемства. Пры гэтым у якасці рынку збыту разглядаецца не толькі Беларусь, але і Кітай, дзе БУТБ ужо акрэдытавала больш за 120 патэнцыяльных пакупнікоў.

"Наша прадпрыемства выпускае 27 тыс. т круп, 23 тыс. т кармоў і звыш тысячы тон раслінных алеяў. Усю гэту прадукцыю мы гатовы прадаваць праз біржавую пляцоўку. Прычым нас цікавіць як беларускі рынак, так і кітайскі, таму будзем рады, калі дзякуючы біржы атрымаем дадатковы канал збыту", - падкрэсліў кіраўнік ТАА "Фралоўскі элеватар".

У сувязі з гэтым начальнік упраўлення знешнеэканамічнай дзейнасці БУТБ Аляксандр Башлій адзначыў, што біржавым механізмам сёння рэгулярна карыстаюцца буйнейшыя спажыўцы сельгаспрадукцыі з усіх рэгіёнаў Беларусі, пастаянна нарошчваючы аб'ёмы закупак.

"Напрыклад, калі ўзяць злакавыя культуры, то па выніках пяці месяцаў аб'ём іх рэалізацыі праз біржу дасягнуў 91 тыс. т, або на 21 працэнт больш, чым за студзень - май 2022 года. Па раслінным алеі і насенні алейных дынаміка таксама дадатная: продажы на ўнутраным рынку павялічыліся ў 2,5 раза, да 34 тыс. т. Інакш кажучы, праблем са збытам прадукцыі аграпрамысловага комплексу Валгаградскай вобласці адназначна не будзе. Попыт з боку беларускіх прадпрыемстваў стабільна высокі", - запэўніў прадстаўнік БУТБ.

Па выніках сустрэчы зацікаўленасць у акрэдытацыі на БУТБ і выстаўленні сваёй прадукцыі на таргі таксама пацвердзілі валгаградскія вытворцы шротаў алейных культур, прэміксаў, бялкова-мінеральных дабавак і сродкаў аховы раслін. На гэты час на беларускай біржавой пляцоўцы працуюць 33 кампаніі з Валгаградскай вобласці. Трэць з іх прыйшла на БУТБ у 2023 годзе.  

версія для друку

зрабіць стартавай

дабавіць у выбранае