Бізнес-навіны

Прадастаўлены Беларуссю статус упаўнаважанага эканамічнага аператара будзе прызнавацца ў Кітаі

24 ліпеня, Мінск /Кар. БЕЛТА/. Прадастаўлены беларускай мытняй суб'ектам знешнеэканамічнай дзейнасці статус упаўнаважанага эканамічнага аператара будзе прызнавацца ў Кітаі. Такая норма пачынае дзейнічаць сёння з уступленнем у сілу пагаднення паміж Дзяржаўным мытным камітэтам Беларусі і Галоўным мытным упраўленнем КНР аб узаемным прызнанні праграмы ўпаўнаважаных эканамічных аператараў Беларусі і праграмы КНР па кіраванні добрасумленнымі прадпрыемствамі, паведамілі БЕЛТА ў ДМК.

У адпаведнасці з пагадненнем мытная служба Беларусі прызнае прадастаўлены кітайскай мытняй суб'ектам знешнеэканамічнай дзейнасці статус добрасумленных прадпрыемстваў КНР з найвышэйшым узроўнем даверу, а мытная служба Кітая ў сваю чаргу прызнае прадастаўлены беларускай мытняй суб'ектам знешнеэканамічнай дзейнасці статус упаўнаважанага эканамічнага аператара.

"Узаемнае прызнанне дасць магчымасць суб'ектам знешнеэканамічнай дзейнасці, якія маюць адпаведны статус, карыстацца шэрагам пераваг, адной з якіх з'яўляецца паскоранае ажыццяўленне мытных аперацый, у тым ліку звязаных з выпускам тавараў і правядзеннем мытнага кантролю", - адзначылі ў ДМК.

версія для друку

зрабіць стартавай

дабавіць у выбранае