Бізнес-навіны

Пошук новых прарыўных напрамкаў. Крутой паставіў задачы аддзяленням пасольства ў рэгіёнах РФ

Фота з архiва

17 кастрычніка, Масква /Эдуард Півавар - БЕЛТА/. Па выніках візітаў беларускай дэлегацыі на чале з прэм'ер-міністрам Раманам Галоўчанкам ва Уфу і Чэлябінск пасол Беларусі ў Расіі Дзмітрый Крутой правёў нараду з кіраўнікамі аддзяленняў пасольства ў расійскіх рэгіёнах, паведамілі БЕЛТА ў прэс-службе дыппрадстаўніцтва.

"Пасол падкрэсліў, што далейшы рост экспарту ў Расію ў абазначаных кіраўніцтвам нашай краіны аб'ёмах немагчымы без пошуку новых, прарыўных напрамкаў супрацоўніцтва. Дзмітрый Крутой даручыў у рэжыме рэальнага часу сачыць за патрэбнасцямі замацаваных рэгіёнаў, дабівацца ўдзелу нашых прадпрыемстваў у дзяржпраграмах і маштабных праектах, працаваць на апярэджанне па пытаннях кааперацыі і імпартазамяшчэння", - расказалі ў прэс-службе.

У час дыялогу з кіраўнікамі аддзяленняў пасол намеціў шэраг перспектыўных напрамкаў для далейшай прапрацоўкі. "У прыватнасці, абмяркоўваліся пастаўкі аўтакампанентаў для зборачных вытворчасцей у Калінінградзе, укараненне біягазавых установак на жывёлагадоўчых комплексах на Урале, ператварэнне Ленінградскай вобласці ў хаб для прадукцыі беларускага насенняводства на паўночным захадзе Расіі, экспарт нашых прадуктаў харчавання для турыстычнай індустрыі Краснадарскага края і іншае", - удакладнілі ў прэс-службе.

"Дзмітрый Крутой асабліва падкрэсліў неабходнасць інтэнсіфікацыі работы з мэрамі расійскіх гарадоў-мільённікаў, а таксама заклікаў актыўна прыцягваць да работы па прасоўванні беларускіх тавараў Беларускую ўніверсальную таварную біржу, Беларускую гандлёва-прамысловую палату і Нацыянальны цэнтр маркетынгу і кан'юнктуры цэн", - дадалі ў дыпмісіі.

версія для друку

зрабіць стартавай

дабавіць у выбранае