Бізнес-навіны
Перспектывы сусветнага і рэгіянальнага рынкаў нафтапрадуктаў і газу абмяркуюць на канферэнцыі ў Мінску
21 верасня, Мінск /Кар. БЕЛТА/. Міжнародная галіновая канферэнцыя "Рынак нафтапрадуктаў і газу Рэспублікі Беларусь: вытворчасць, трэйдынг, розніца" пройдзе ў Мінску 24-25 верасня, паведамілі БЕЛТА ў ВА "Беларуснафта".
Тэмамі дыскусіі на канферэнцыі стануць стан і перспектывы рынкаў энерганосьбітаў, мадэрнізацыі нафта- і газаперепрацоўкі, экспартных патокаў нафтапрадуктаў і газу. Акрамя таго, удзельнікі абмяркуюць транспартныя патокі і лагістыку дастаўкі нафтапрадуктаў, сучасныя тэхналогіі ў АЗС і нафтабазавай гаспадарцы, новаўвядзенні ў дызайне і спадарожным бізнесе на АЗС.
На другі дзень запланаваны візіты на Беларускі газаперапрацоўчы завод, ААТ "Мазырскі НПЗ", нафтабазу ў Мазыры. Удзельнікам мерапрыемства прадэманструюць вытворчы патэнцыял Беларускага ГПЗ і яго экспартныя магчымасці пасля мадэрнізацыі, перадавыя тэхналогіі ў нафтабазавай гаспадарцы.
Арганізатары канферэнцыі - ВА "Беларуснафта" і ЗАТ "Беларуская нафтавая кампанія" пры падтрымцы ААТ "Мазырскі НПЗ" і ААТ "Нафтан". У сустрэчах з удзельнікамі канферэнцыі і абмеркаванні пытанняў прымуць удзел кіраўнікі і топ-менеджары кампаній-арганізатараў канферэнцыі і іх збытавых прадпрыемстваў, прадстаўнікі дзяржорганаў, кіраўнікі і топ-менеджары НПЗ, вядучыя нафтатрэйдары, аналітыкі і эксперты, кіраўнікі кампаній-аператараў рознічнага рынку нафтапрадуктаў.
версія для друку
зрабіць стартавай
дабавіць у выбранае