Бізнес-навіны

Перспектывы супрацоўніцтва бізнес-колаў Беларусі і Казахстана абмеркавалі ў НЦМ

Фота з архiва

29 кастрычніка, Мінск /Кар. БЕЛТА/. Дырэктар Нацыянальнага цэнтра маркетынгу Мікалай Барысевіч сустрэўся з Паслом Казахстана ў Беларусі Ерланам Байжанавым, паведамілі БЕЛТА ў прэс-службе НЦМ.

На сустрэчы Мікалай Барысевіч прадставіў кампетэнцыі Цэнтра як нацыянальнага інстытута падтрымкі знешнеэканамічнай дзейнасці і аператара па суправаджэнні ўдзелу беларускіх кампаній у замежных закупках (у прыватнасці краін ЕАЭС). Бакі разгледзелі перспектыўныя напрамкі ўзаемадзеяння ў гэтых сферах.

У тым ліку абмеркаваны магчымасці арганізацыі Цэнтрам сустрэч дыппрадстаўніцтва з профільнымі беларускімі структурамі і прадстаўнікамі беларускага бізнесу, а таксама супрацоўніцтва па лініі аказання садзейнічання ўдзелу бізнес-колаў абедзвюх краін у дзелавых мерапрыемствах.

версія для друку

зрабіць стартавай

дабавіць у выбранае