Бізнес-навіны

Мерапрыемства адбудзецца ў ходзе візіту дэлегацыі навуковых колаў ЗША, што пройдзе з 13 па 18 снежня. Мэта візіту - удзел у семінары і правядзенне перагавораў з кіраўніцтвам НАН аб перспектыўных напрамках беларуска-амерыканскага супрацоўніцтва ў галіне навукі і адукацыі і механізмах іх рэалізацыі.

Першы беларуска-амерыканскі семінар па навукова-тэхнічным супрацоўніцтве будзе праходзіць у адпаведнасці з дамоўленасцямі, дасягнутымі на перагаворах, якія адбыліся ў час візітаў у НАН Беларусі дэлегацыі Нацыянальных акадэмій ЗША і Нацыянальнай акадэміі навук ЗША па пытаннях навукі і адукацыі. Пройдзе круглы стол па пашырэнні беларуска-амерыканскага навукова-тэхнічнага супрацоўніцтва.

Члены дэлегацыі навуковых колаў ЗША наведаюць ДНУ "Інстытут фізікі імя Б.І.Сцяпанава НАН Беларусі", РУП "НПЦ НАН Беларусі па харчаванні", Музей гісторыі НАН, пастаянна дзеючую выстаўку "Дасягненні айчыннай навукі - вытворчасці". Запланаваны сустрэчы ў Дзяржаўным камітэце па навуцы і тэхналогіях, Беларускім дзяржаўным універсітэце.