Бізнес-навіны

Пераможцамі конкурсу "Лепшы экспарцёр 2019 года" сталі 22 прадпрыемствы

У цэху ЗАТ "Штадлер Мінск"

15 чэрвеня, Мінск /Кацярына Марковіч - БЕЛТА/. Пераможцамі конкурсу "Лепшы экспарцёр 2019 года" сталі 22 прадпрыемствы, паведаміў старшыня Беларускай гандлёва-прамысловай палаты Уладзімір Улаховіч, перадае карэспандэнт БЕЛТА.

"Звычайна на працягу многіх гадоў у канцы мая мы праводзілі цырымонію ўшаноўвання і ўзнагароджання пераможцаў конкурсу, падводзілі вынікі і адзначалі дасягненні, якія прыносяць нашы прадпрыемствы ў экспартным напрамку. Мы шкадуем, што ў гэтым годзе вымушаны перайсці ў іншы фармат, хоць захоўваем жаданне ўсё ж правесці сяброўскую сустрэчу з пераможцамі і спадзяёмся, што зможам гэта зрабіць у верасні", - адзначыў старшыня БелГПП. Уладзімір Улаховіч падкрэсліў, што экспарт для Беларусі - важны элемент эканамічнага жыцця, улічваючы тое, што эканамічны профіль краіны - прамысловы, а сельская гаспадарка мае індустрыяльны характар.

Конкурс традыцыйна праводзіцца па 22 намінацыях. У кожнай з іх былі вызначаны пераможцы, а прадпрыемствы, якія набралі максімальна блізкую да пераможцы колькасць балаў і паказалі выдатныя вынікі ў экспарце прадукцыі і паслуг, узнагароджаны заахвочвальнымі дыпломамі. На гэты раз у фінал выйшлі 163 прадпрыемствы, што амаль на 10 працэнтаў больш, чым у мінулым годзе.

Паводле інфармацыі кіраўніка палаты, у сярэднім у кожнай намінацыі ў фінал выйшлі па 7 прадпрыемстваў, але былі і традыцыйна папулярныя. У намінацыі "Прадпрыемствы малога і сярэдняга бізнесу" фіналістамі сталі 20 прадпрыемстваў, сярод фіналістаў "Металург" - 24 прадпрыемствы, "Малочнай прадукцыі" - 16 вытворцаў.

Пераможцамі конкурсу ў гэтым годзе сталі ВУП "Завод электронікі і бытавой тэхнікі Гарызонт", дзяржаўная лесагаспадарчая ўстанова "Аршанскі лясгас", ААТ "Светлагорскі цэлюлозна-кардонны камбінат", замежнае ТАА "ВМГ Індустры", ТАА "Вытворчае аб'яднанне "Энергакамплект", ААТ "Беларускі металургічны завод - кіруючая кампанія холдынга "Беларуская металургічная кампанія", ЗАТ "Штадлер Мінск", замежнае вытворчае УП "ВІК - здароўе жывёл", сумеснае ТАА "Контэ Спа", ААТ "Лідскі малочна-кансервавы камбінат", ААТ "Гродзенскі мясакамбінат", беларуска-германскае сумеснае прадпрыемства ТАА "Санта Брэмар", ААТ "Агракамбінат "Дзяржынскі", сумеснае ТАА "АлюмінТэхна", ТАА "Альянспласт", ААТ "Гомельскі хімічны завод", замежнае ТАА "ЭПАМ Сістэмз", рэспубліканскае транспартна-экспедыцыйнае УП "Белінтэртранс - транспартна-лагістычны цэнтр" Беларускай чыгункі, установа адукацыі "Гродзенскі дзяржаўны медыцынскі ўніверсітэт", ААТ "Буравая кампанія "Дэльта", ТАА "Тэра Мотарс" і сумеснае ТАА "ТрансЭкспедыцыя".

Агульны аб'ём экспарту фіналістаў конкурсу складае $8,847 млрд, або 21 працэнт агульнага аб'ёму экспарту за мінулы год па краіне. Геаграфія іх паставак склала 113 краін.

Асноўным арганізатарам конкурсу выступае БелГПП.

версія для друку

зрабіць стартавай

дабавіць у выбранае