Бізнес-навіны

Пералік відаў дзейнасці для рамеснікаў вызначаць у бліжэйшы час

Фота з архiва

19 жніўня, Мінск /Кар. БЕЛТА/. Пералік відаў дзейнасці для рамеснікаў будзе вызначаны ў бліжэйшы час. Аб гэтым Прэзідэнт Беларусі Аляксандр Лукашэнка заявіў 19 жніўня на нарадзе з кіраўніцтвам Савета Міністраў, перадае карэспандэнт БЕЛТА.

Адной з тэм мерапрыемства ў кіраўніка дзяржавы стала ажыццяўленне рамеснай дзейнасці. Прэзідэнт нагадаў, што ў гэтым годзе прыняты абноўлены закон па пытаннях прадпрымальніцкай дзейнасці, з якога вынікае, што рамеснікі становяцца часткай прадпрымальніцкай супольнасці.

"Па прапанове ўрада з 1 кастрычніка гэтага года можна стаць рамеснікам выключна па ўстаноўленым пераліку відаў дзейнасці. Гэты пералік павінен быць у бліжэйшы час вызначаны ўрадам", - сказаў Аляксандр Лукашэнка.

Таксама плануецца падпісанне адпаведнага ўказа кіраўніка дзяржавы. У сувязі з гэтым Прэзідэнт пацікавіўся, якія менавіта змяненні прапануюцца і чым абумоўлены гэты выбар, ці абмяркоўваліся гэтыя змяненні з насельніцтвам.

"Трэба звярнуць увагу, ці не створыць прапанаванае рэфармаванне перадумовы для пераходу часткі рамеснікаў, напрамкі дзейнасці якіх выпадуць з пераліку, у ценявы сектар", - спытаў Аляксандр Лукашэнка. У ліку пытанняў, якія абазначыў Прэзідэнт, - захаванне культурнай спадчыны Беларусі і патрабаванне ў ходзе пераўтварэнняў не страціць якое-небудзь рэдкае рамяство.

версія для друку

зрабіць стартавай

дабавіць у выбранае