Бізнес-навіны
Пастаўкі ядзернага паліва на БелАЭС плануецца пачаць у канцы 2018 года
20 студзеня, Мінск /Кар. БЕЛТА/. Пастаўкі ядзернага паліва на Беларускую АЭС плануецца пачаць у канцы 2018 года. Аб гэтым паведаміў сёння журналістам намеснік міністра энергетыкі Міхаіл Міхадзюк, перадае карэспандэнт БЕЛТА.
Намеснік міністра нагадаў, што ў адпаведнасці з умовамі генеральнага кантракта на будаўніцтва АЭС генпадрадчык павінен паставіць паліва для поўнай загрузкі двух энергаблокаў і для першай іх перазагрузкі.
Цяпер вядзецца падрыхтоўка дадатковага пагаднення да генкантракта па ўмовах паставак, якія плануецца пачаць у канцы 2018 года. Першыя пастаўкі будуць для энергаблока нумар 1.
Беларуская АЭС - праект па будаўніцтве атамнай электрастанцыі тыпу ВВЭР-1200, які рэалізуецца за 18 км ад Астраўца (Гродзенская вобласць). БелАЭС будзе складацца з двух энергаблокаў сумарнай магутнасцю да 2400 (2х1200) МВт.
версія для друку
зрабіць стартавай
дабавіць у выбранае