Бізнес-навіны

Пасол Беларусі абмеркаваў з кіраўніцтвам кітайскай карпарацыі інжынірынгу развіццё эканамічных праектаў

Фота з архiва

13 верасня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько 13 верасня сустрэўся з генеральным дырэктарам ААТ "Кітайская карпарацыя інжынірынгу САМС", членам савета дырэктараў СЗАТ "Кампанія па развіцці індустрыяльнага парка" Лі Хайсінем. Аб гэтым карэспандэнту БЕЛТА расказалі ў беларускай загранустанове ў Пекіне.

У рамках сустрэчы бакі абмеркавалі пытанні гандлёва-эканамічнага супрацоўніцтва Беларусі і Кітая, у тым ліку ход развіцця індустрыяльнага парка "Вялікі камень", падтрымку, якая аказваецца гэтаму праекту, а таксама будаўніцтва ў парку навукова-даследчага парка SINOMACH "Факел", які плануецца адкрыць у 2023 годзе.

Асаблівая ўвага была ўдзелена пытанням пашырэння супрацоўніцтва з кітайскімі кампаніямі, зацікаўленымі ў пастаўках у Беларусь тэхналагічнага абсталявання (камплектуючых, сыравіны і матэрыялаў), рэалізацыі інвестыцыйных праектаў (у якасці інвестараў і падрадчыкаў), адкрыццю сумесных прадпрыемстваў, экспарту айчынных тавараў.

версія для друку

зрабіць стартавай

дабавіць у выбранае