Бізнес-навіны

Пасол Беларусі ў Бразіліі: санкцыі сталі атрутай, але Беларусь ужо моцная

Фота пасольства Беларусі ў Бразіліі

5 верасня, Мінск /Кар. БЕЛТА/. У пасольстве Беларусі ў Бразіліі прэзентавалі экспартныя магчымасці рэспублікі. Мерапрыемства было прысвечана наладжванню новых форм эканамічнага ўзаемадзеяння ва ўмовах санкцыйнага націску, паведамілі БЕЛТА ў беларускай дыпмісіі.

Генеральны дырэктар Агенцтва знешнеэканамічнай дзейнасці Андрэй Міцкевіч, дырэктар прадстаўніцтва Беларускай калійнай кампаніі ў Бразіліі Андрэй Чушаў і пасол Беларусі ў Бразіліі Сяргей Лукашэвіч у час прэзентацыі акцэнтавалі ўвагу на распрацоўцы новых фінансавых інструментаў для банкаўскіх аперацый і існуючых кампетэнцый у сферы прапрацоўкі альтэрнатыўных лагістычных маршрутаў.

"Супрацоўніцтва ў сучасных умовах - гэта задача, якая павінна вырашацца мудра, з карысцю для народаў нашых краін. Нягледзячы на вялікія адлегласці паміж Беларуссю і Бразіліяй, нас звязвае цеснае супрацоўніцтва, напрыклад, у галіне сельскай гаспадаркі. Нашы калійныя ўгнаенні - гэта пажыўны элемент для бразільскай сельскай гаспадаркі, пастаўкі якіх уплываюць на адэкватную цану на прадукты харчавання на сусветных рынках. Важнасць беларускіх калійных угнаенняў для Бразіліі лепш за ўсё ілюструюць лічбы: цэны на калій у канцы 2021 года і цяпер на рынку Бразіліі адрозніваюцца ў 3-4 разы ў бок павелічэння", - заўважыў беларускі дыпламат.

Сяргей Лукашэвіч заявіў, што атрута санкцый стала прывычным напіткам для многіх краін свету, і яго п'юць нават тыя, хто, здавалася б, далёкі ад прамога ўздзеяння гэтага інструмента. "Аднак усе мы помнім гісторыю са Старажытнага Рыма: прыём невялікіх доз атруты робіць чалавека моцным. Думаю, што тое ж самае адносіцца і да эканомікі краін, якія так несправядліва трапілі пад прамы і ўскосны націск санкцый", - вобразна выказаўся пасол.

Аб магчымасцях супрацоўніцтва з Беларуссю расказаў бразільскі бізнесмен Філіпэ Ганзалда, які ў жніўні пабываў ў Беларусі і азнаёміўся з дзейнасцю холдынга "Белкамунмаш", МАЗа, МТЗ, БелАЗа, "Беларуськалія" і "Гродна Азота".

Бразільскі бок на мерапрыемстве прадставілі бізнесмены і юрысты, прадстаўнікі банкаўскага асяроддзя і калійнага сектара. Пасольства Беларусі наведалі кіраўнікі Міністэрства сельскай гаспадаркі Бразіліі і офіса ФАО ў Бразіліі, прадстаўнікі Спецыяльнага сакратарыята па стратэгічных пытаннях пры Прэзідэнце Бразіліі, Нацыянальнай канфедэрацыі сельскай гаспадаркі і жывёлагадоўлі, МЗС і парламента Бразіліі, СМІ.

версія для друку

зрабіць стартавай

дабавіць у выбранае