Бізнес-навіны

Пасол: афрыканскі рэгіён - вялікая перспектыва для Беларусі на будучыню

28 ліпеня, Мінск /Кар. БЕЛТА/. Беларуска-кенійскія адносіны развіваюцца па ўзыходзячай траекторыі. Аб гэтым заявіў журналістам Надзвычайны і Паўнамоцны Пасол Беларусі ў Кеніі Павел Хабаркін у кулуарах семінара для кіраўнікоў беларускіх загранустаноў, перадае карэспандэнт БЕЛТА.

"Беларуска-кенійскія адносіны развіваюцца па ўзыходзячай траекторыі. Аднак, нягледзячы на тое, што ў бягучым годзе мы адзначаем 30-годдзе ўстанаўлення дыпламатычных адносін, можна сказаць, што адносіны і ў палітыцы, і ў гандлі, і ў гуманітарнай сферы пакуль знаходзяцца ў стадыі станаўлення, - сказаў Павел Хабаркін. - Вялікія перспектывы ў галіне прамысловага супрацоўніцтва з пункту гледжання развіцця зборачных вытворчасцей, прамысловай кааперацыі. Гэта даволі доўгія працэсы, але мы павінны глядзець на перспектыву, і менавіта афрыканскі рэгіён - гэта наша перспектыва на будучыню".

Пасол адзначыў, што значны ўклад ва ўмацаванне адносін унёс красавіцкі візіт міністра замежных спраў Беларусі ў Кенію. Цяпер бакі актыўна працуюць над рэалізацыяй дасягнутых дамоўленасцей, фарміруюць дагаворна-прававую базу, якая павінна стаць асновай для пашырэння сувязей па розных напрамках. Пры гэтым безумоўным прыярытэтам дыпламат назваў развіццё эканамічнага супрацоўніцтва.

"Кенія - краіна з насельніцтвам больш за 50 мільёнаў чалавек. Да 2050 года, паводле ацэнак, насельніцтва кантынента складзе да паўтара мільярда чалавек. Гэта вялізны, ёмісты і перспектыўны рынак адносна як эканомікі, так і палітычнага ўзаемадзеяння. Кенія з'яўляецца варотамі ва Усходнюю Афрыку. Гэта азначае, што ўсе тавары, якія заходзяць у Кенію, таксама могуць спакойна рэалізавацца і на рынках суседніх краін", - дадаў кіраўнік беларускай дыпмісіі.

версія для друку

зрабіць стартавай

дабавіць у выбранае