Бізнес-навіны

Новы рэзідэнт СЭЗ "Мінск" створыць вытворчасць хімічных дабавак для галін прамысловасці

Фота з архiва

21 ліпеня, Мінск /Кар. БЕЛТА/. ТАА "Альбус Груп" стала 102-м рэзідэнтам СЭЗ "Мінск". Кампанія рэалізуе інвестпраект па стварэнні на тэрыторыі СЭЗ вытворчасці хімічных дабавак для розных галін прамысловасці, паведамілі карэспандэнту БЕЛТА ў свабоднай эканамічнай зоне.

Пасведчанне аб рэгістрацыі ў якасці рэзідэнта намесніку дырэктара ТАА "Альбус Груп" Яўгену Белакрылыку ўручыў кіраўнік адміністрацыі СЭЗ "Мінск" Анатоль Бубен. Асноўная ідэя праекта - стварэнне на тэрыторыі СЭЗ новага вытворчага комплексу па выпуску эмульсійнай дабаўкі і іншай хімічнай прадукцыі. Вытворчасць будзе заснавана на выкарыстанні сучаснага абсталявання і перадавых тэхналогій, што забяспечыць выпуск якаснай запатрабаванай прадукцыі.

Першы імпартазамяшчальны прадукт, які плануецца запусціць у вытворчасць, - клей АКД, ён выкарыстоўваецца для перапрацоўкі папяровай прадукцыі. Існуючая патрэбнасць беларускага рынку поўнасцю пакрываецца імпартнымі пастаўкамі, вытворцаў клею АКД на тэрыторыі краіны няма. Спецыялісты адзначаюць, што напрамак перспектыўны ў Беларусі і Расійскай Федэрацыі. Таксама гэта дасць  магчымасць кампаніі істотна ўмацаваць пазіцыі на рынку, пашырыць асартыментны рад, зменшыць сабекошт прадукцыі і павялічыць аб'ёмы продажаў.

У сувязі з рэалізацыяй праекта на прадпрыемстве будуць створаны 15 новых рабочых месцаў з узроўнем сярэднямесячнай намінальнай заработнай платы, што перавышае існуючы ўзровень статыстычных паказчыкаў у прамысловасці па Мінску.

версія для друку

зрабіць стартавай

дабавіць у выбранае