Бізнес-навіны

Новасібірская вобласць зацікаўлена ва ўмацаванні сувязей з "Бабруйскаграмашам"

Фота "Бабруйскаграмаша"

28 кастрычніка, Мінск /Кар. БЕЛТА/. Новасібірская вобласць зацікаўлена ва ўмацаванні сувязей з "Бабруйскаграмашам", паведамілі БЕЛТА ў прэс-службе прадпрыемства.

Дэлегацыя Новасібірскай вобласці на чале з намеснікам міністра - начальнікам упраўлення прамысловасці і прадпрымальніцтва Міністэрства прамысловасці, гандлю і развіцця прадпрымальніцтва Новасібірскай вобласці Дзянісам Рагузавым наведала "Бабруйскаграмаш".

Кіраўніцтва холдынга на чале з генеральным дырэктарам Алегам Корсакам азнаёміла гасцей з вытворчымі магутнасцямі прадпрыемства, мадэльным радам выпускаемай тэхнікі.

Дзяніс Рагузаў даў высокую ацэнку ўзроўню аснашчанасці "Бабруйскаграмаша", яго дасягненням, якасці вырабляемай прадукцыі і выказаў упэўненасць у плённым міжрэгіянальным супрацоўніцтве і ўмацаванні двухбаковых сувязей.

ААТ "Кіруючая кампанія холдынга "Бабруйскаграмаш" - буйнейшы вытворца сельскагаспадарчых машын і прыстасаванняў у краінах Усходняй Еўропы. Гандлёвую марку прадпрыемства ведаюць у Еўропе, Азіі, краінах Блізкага Усходу, Афрыкі, Цэнтральнай і Паўднёвай Амерыкі. У асартыменце прадукцыі - больш як 150 найменняў.

версія для друку

зрабіць стартавай

дабавіць у выбранае