Бізнес-навіны

Новая зборачная вытворчасць беларускіх трактароў павінна ў верасні з'явіцца ў Малдове

Фота з архiва

19 ліпеня, Мінск /Кар. БЕЛТА/. Новая зборачная вытворчасць беларускіх трактароў павінна ў верасні з'явіцца ў Малдове. Аб гэтым паведаміў журналістам Надзвычайны і Паўнамоцны Пасол Беларусі ў Малдове Анатоль Калінін, перадае карэспандэнт БЕЛТА.

У Малдове працуюць ужо тры зборачныя вытворчасці беларускай тэхнікі: тралейбусаў, трактароў сярэдняй магутнасці і трактароў для работы на вінаградніках.

"У нас у планах адкрыць у верасні яшчэ адну зборачную вытворчасць беларускіх трактароў, гэта будуць больш магутныя трактары", - расказаў Анатоль Калінін.

Акрамя таго, на працягу года ў Малдове плануецца адкрыць зборачную вытворчасць магілёўскіх ліфтаў. У перспектывах - арганізацыя зборкі віцебскіх пад'ёмнікаў.

версія для друку

зрабіць стартавай

дабавіць у выбранае