Бізнес-навіны

Кіраўнік індыйскай дзяржавы выказаў упэўненасць у вялікіх перспектывах эканамічнага супрацоўніцтва з Беларуссю. На яго думку, гэтаму будзе садзейнічаць маючы адбыцца беларуска-індыйскі бізнес-форум, правядзенне якога прымеркавана да візіту Прэзідэнта Індыі. "Упэўнены, што беларуска-індыйскія кампаніі знойдуць агульныя інтарэсы", - сказаў Пранаб Мукерджы. Ён таксама падкрэсліў, што Індыя мае намер выдзеліць для сваіх кампаній крэдытную лінію на $100 млн для рэалізацыі сумесных з Беларуссю праектаў у тых сферах, якія будуць вызначаны ў ходзе беларуска-індыйскіх перагавораў на вышэйшым узроўні.

Пранаб Мукерджы акцэнтаваў увагу на тым, што Індыя і Беларусь маюць дружалюбныя адносіны ва ўсіх сектарах узаемадзеяння. "Нягледзячы на тое, што гандлёва-эканамічныя адносіны развіваюцца, ёсць вялікія магчымасці для іх актывізацыі, - лічыць індыйскі лідар. - Неабходна дыверсіфікаваць сектар тавараў, што прадаюцца, каб перавысіць цяперашні ўзровень тавараабароту ў памеры $400 млн".

Адкрываюцца новыя магчымасці для больш шырокага развіцця беларуска-індыйскага супрацоўніцтва, лічыць Пранаб Мукерджы. Ён таксама падкрэсліў важнасць развіцця культурных сувязей з Беларуссю і расказаў, што ў ходзе візіту ў Мінск прыме ўдзел у цырымоніі ўрачыстага адкрыцця бюста Махатмы Гандзі.