Бізнес-навіны
Інданезійская правінцыя Усходні Калімантан зацікаўлена ў прыцягненні беларускіх інвестыцый
28 ліпеня, Мінск /Кар. БЕЛТА/. Улады інданезійскай правінцыі Усходні Калімантан зацікаўлены ў прыцягненні беларускіх інвестыцый для развіцця інфраструктуры, паведамілі БЕЛТА ў прэс-службе Міністэрства замежных спраў Беларусі.
Па запрашэнні Міністэрства замежных спраў Інданезіі і ўрада правінцыі Усходні Калімантан пасольства Беларусі ў Інданезіі прыняло ўдзел у бізнес-форуме "Эканамічны патэнцыял Усходняга Калімантана і магчымасці рынкаў Цэнтральнай і Усходняй Еўропы".
На форуме выступілі губернатар правінцыі Аванг Фарук Ісхак, прадстаўнікі МЗС, Міністэрства эканомікі Інданезіі, пасольстваў Беларусі і Расіі ў Інданезіі, а таксама гандлёва-прамысловай палаты (ГПП) Усходняга Калімантана. "Удзельнікі форуму абмеркавалі магчымасці развіцця ўзаемнага гандлю з Беларуссю і Расіяй, прыцягнення інвестыцый для развіцця інфраструктуры інданезійскай правінцыі", - праінфармавалі ў прэс-службе.
У час сустрэчы Аванга Фарука Ісхака з прадстаўніком пасольства абмеркаваны пытанні арганізацыі візіту губернатара ў Беларусь, магчымасці пашырэння паставак у правінцыю беларускай кар'ернай тэхнікі, шын, калійных угнаенняў, наладжвання супрацоўніцтва ў галіне адукацыі.-
версія для друку
зрабіць стартавай
дабавіць у выбранае