Бізнес-навіны
Навучанне кадраў, інвестпраекты: Беларусь і Кітай будуць наладжваць супрацоўніцтва ў геолагаразведцы
22 сакавіка, Мінск /Кар. БЕЛТА/. Кітайскія кампаніі зацікаўлены ў беларускім інвестпраекце па здабычы базальтаў і туфаў. Аб гэтым заявіў журналістам міністр прыродных рэсурсаў і аховы навакольнага асяроддзя Андрэй Худык, перадае карэспандэнт БЕЛТА.
Міністр прыродных рэсурсаў і аховы навакольнага асяроддзя Андрэй Худык правёў анлайн-сустрэчу з кіраўніцтвам Кітайскай геалагічнай службы. Мерапрыемства прайшло на базе Рэспубліканскага цэнтра дзяржаўнай экалагічнай экспертызы, падрыхтоўкі, павышэння кваліфікацыі і перападрыхтоўкі кадраў Мінпрыроды.
"Мы даволі актыўна супрацоўнічаем з кітайскімі калегамі ўжо некаторы час, і на сённяшні дзень разумеем, што Кітай - высокаразвітая краіна, асабліва ў пытаннях геолагаразведкі, здабычы карысных выкапняў, іх перапрацоўкі і інтэнсіфікацыі выкарыстання. У сувязі з гэтым мы папрасілі нашых партнёраў падзяліцца вопытам у частцы геолагаразведкі на вуглевадароды. Адзначу, што мы атрымалі вельмі цікавую інфармацыю, якую яшчэ трэба будзе вывучыць", - падкрэсліў Андрэй Худык.
Паводле яго слоў, у час анайн-сустрэчы таксама была дасягнута дамоўленасць аб абмене дэлегацыямі і навучанні беларускіх кадраў.
"Перакананы, што сённяшнія прапановы і канкрэтныя паслядоўныя крокі, пра якія нам удалося дамовіцца, дазволяць выканаць даручэнне кіраўніка дзяржавы па інтэнсіфікацыі мінеральна-сыравіннай базы ў Беларусі", - сказаў міністр прыродных рэсурсаў і аховы навакольнага асяроддзя.
Ён дадаў, што на перагаворах былі прадстаўлены некалькі беларускіх інвестпраектаў, у тым ліку па радовішчы Навадворскае, у якім будуць здабываць базальты і туфы.
"Так, нашы кітайскія калегі ўжо шукаюць нам патэнцыяльных інвестараў на тэрыторыі КНР. Ёсць некалькі буйных сусветных кампаній, якія выказалі жаданне прыбыць у Беларусь і на месцы вывучыць гэты інвестпраект. Мы ўпэўнены, што крок за крокам прыйдзем да добрага выніку. Безумоўна, такія сур'ёзныя праекты хутка не ствараюцца", - рэзюмаваў Андрэй Худык.
версія для друку
зрабіць стартавай
дабавіць у выбранае