Бізнес-навіны

НАІП Беларусі дамовілася з турэцкімі інвестарамі аб трох праектах

Фота НАІП

29 лістапада, Мінск /Кар. БЕЛТА/. Дырэктар Нацыянальнага агенцтва інвестыцый і прыватызацыі Беларусі Дзмітрый Красоўскі падпісаў пагадненне аб інвестыцыйных намерах з трыма турэцкімі кампаніямі. Падпісанне адбылося на палях міжнароднай выстаўкі MÜSIAD EXPO 2024 у Стамбуле, паведамілі БЕЛТА ў НАІП.

Размова ідзе аб праектах па вытворчасці прадуктаў харчавання, касметыкі і бытавой хіміі, а таксама аб праекце ў сферы грамадскага харчавання.

Пагадненні паміж НАІП і турэцкімі інвестарамі заключаны ў выніку перагавораў і падрыхтоўчай работы, праведзенай пры актыўным садзейнічанні партнёра НАІП у Турцыі і прадстаўніка MÜSIAD па Беларусі Мікаіла Чалышкана.

Міжнародная выстаўка MÜSIAD EXPO праводзіцца ў Стамбуле адзін раз у два гады пры падтрымцы турэцкага ўрада. Гэта вядучая шматгаліновая міжнародная выстаўка і бізнес-форум турэцкай Асацыяцыі незалежных прамыслоўцаў і прадпрымальнікаў MÜSIAD. У бягучым годзе яна праходзіць у 26 па 29 лістапада. У 2022 годзе ў выстаўцы прынялі ўдзел 522 кампаніі з 16 краін.

версія для друку

зрабіць стартавай

дабавіць у выбранае