Бізнес-навіны

Нафту без прэміі ў Беларусь будуць пастаўляць у І квартале яшчэ 5 расійскіх кампаній

Фота з архiва

26 лютага, Мінск /Кар. БЕЛТА/. Нафту без прэміі будуць пастаўляць у Беларусь акрамя групы кампаній "Сафмар" 5 расійскіх кампаній. Аб гэтым паведаміў карэспандэнту БЕЛТА прэс-сакратар канцэрна "Белнафтахім" Аляксандр Цішчанка.

"Гэтыя 5 кампаній - новыя пастаўшчыкі, з якімі мы яшчэ не працавалі. Гэта значыць разам з "Сафмаром" на I квартал у нас 6 кампаній, якія будуць з намі працаваць па рыначнай цане без прэміі", - сказаў Аляксандр Цішчанка.

Як паведамлялася, Расія з 1 студзеня спыніла пастаўкі нафты ў Беларусь з-за таго, што не былі дасягнуты дамоўленасці па цане. Як тлумачыў першы віцэ-прэм'ер Дзмітрый Крутой, Беларусь лічыць эканамічна немэтазгодным і бессэнсоўным плаціць прэміі расійскім нафтавым кампаніям у ранейшых аб'ёмах. Ва ўрадзе таксама заяўлялі, што вывучаюцца ўсе магчымыя варыянты альтэрнатыўных паставак.

Беларускія НПЗ (Мазырскі НПЗ і ААТ "Нафтан") працуюць на загрузцы 50 працэнтаў, у студзені-лютым яны перапрацуюць каля 1,8 млн т нафты.

версія для друку

зрабіць стартавай

дабавіць у выбранае