Бізнес-навіны

На БУТБ больш як у чатыры разы вырасла сума здзелак расійскіх удзельнікаў таргоў

Фота з архiва

13 верасня, Мінск /Кар. БЕЛТА/. Па выніках 8 месяцаў 2024 года тавараабарот рэзідэнтаў Расійскай Федэрацыі на таргах Беларускай універсальнай таварнай біржы вырас у 4,4 раза, да $622 млн у эквіваленце. Такія лічбы агучыў начальнік упраўлення знешнеэканамічнай дзейнасці БУТБ Аляксандр Башлій у час выступлення на Міжнародным форуме эканамічнага супрацоўніцтва ў рамках святкавання 957-годдзя Мінска, паведамілі БЕЛТА ў прэс-службе БУТБ.

Здзелкі на біржавой пляцоўцы ў бягучым годзе заключалі кампаніі з 48 рэгіёнаў Расіі, а агульная колькасць акрэдытаваных на БУТБ расійскіх удзельнікаў дасягнула 4007 (397 новых з пачатку года).

Расказваючы аб магчымасцях і перавагах выкарыстання біржавога механізма, Аляксандр Башлій прывёў у прыклад паспяховае ўзаемадзеянне з расійскім бізнесам на ўзроўні рэгіёнаў. Паводле яго слоў, менавіта такі падыход да развіцця беларуска-расійскага біржавога гандлю забяспечвае высокую дадатную дынаміку колькасці ўдзельнікаў таргоў з РФ і аб'ёмаў заключаемых імі здзелак.

"Лідарамі па суме біржавых кантрактаў у студзені-жніўні гэтага года сталі кампаніі з Маскоўскай, Ленінградскай, Смаленскай і Яраслаўскай абласцей, а таксама з Рэспублікі Татарстан. У сукупнасці на гэтыя рэгіёны прыпала звыш 80 працэнтаў біржавога тавараабароту Беларусі і Расіі. Ключавым драйверам росту па-ранейшаму застаецца экспарт беларускай сельгаспрадукцыі, які ў параўнанні з мінулым годам павялічыўся амаль у 39 разоў. Найбольшым попытам на расійскім рынку карысталіся такія пазіцыі, як сметанковае масла, сухое малако, сыр, мясапрадукты і кармавыя дабаўкі. Што датычыцца імпарту з РФ, то ён таксама вырас, няхай і не так значна, як экспарт. Усяго на 10 працэнтаў. У Беларусь праз біржу пастаўляўся расійскі металапракат, збожжавыя, насенне і шрот алейных культур, прамысловае абсталяванне, запчасткі і камплектуючыя для тэхнікі, тэкстыльная сыравіна", - паведаміў начальнік упраўлення ЗЭД БУТБ.

У 2024 годзе здзелкі на БУТБ заключалі кампаніі з 34 краін. Зыходзячы з аб'ёмаў тавараабароту, у топ-5 асноўных гандлёвых партнёраў увайшлі Расія, Кітай, Азербайджан, Узбекістан і Аб'яднаныя Арабскія Эміраты.

версія для друку

зрабіць стартавай

дабавіць у выбранае