Бізнес-навіны

"Мы прайшлі гэты этап" - Лукашэнка даручыў больш не пашыраць работу СЭЗ у Беларусі

24 чэрвеня, Свіслацкі раён /Кар. БЕЛТА/. Прэзідэнт Беларусі Аляксандр Лукашэнка даручыў больш не пашыраць работу свабодных эканамічных зон у Беларусі. Адпаведную задачу кіраўнік дзяржавы паставіў сёння на нарадзе аб перспектывах развіцця Гродзенскай вобласці, перадае карэспандэнт БЕЛТА.

"Трэба прыняць рашэнне аб "закрыцці" гэтых свабодных зон, я маю на ўвазе, каб мы іх больш не пашыралі. Толькі ў кропкавым парадку. Прывезлі высокія тэхналогіі - мы прадаставім вам тыя ж ільготы, што ў свабоднай зоне. Але не трэба нам іх пашыраць па ўсёй краіне і ставіць у няроўныя ўмовы прадпрыемствы", - падкрэсліў Прэзідэнт.

"Прадумайце і ўнясіце прапановы, каб мы спынілі гэту практыку. Не так шмат у нас інвестараў, якім трэба будзе прадаставіць ільготы або дапамагчы па сыравіне. Мы можам у прыватным парадку гэта зрабіць", - дадаў Аляксандр Лукашэнка.

версія для друку

зрабіць стартавай

дабавіць у выбранае