Бізнес-навіны

МТЗ у студзені-жніўні павялічыў пастаўкі тэхнікі ў Якуцію на 18 працэнтаў

30 верасня, Мінск /Кар. БЕЛТА/. Мінскі трактарны завод павялічыў пастаўкі тэхнікі ў натуральным выражэнні ў Якуцію на 18 працэнтаў у студзені-жніўні. Аб гэтым БЕЛТА паведамілі на прадпрыемстве.

Кіраўнік Рэспублікі Саха (Якуція) Расіі Айсен Нікалаеў разам з прадстаўнічай дэлегацыяй наведаў корпус зборкі трактароў, выстаўку тэхнікі BELARUS, а таксама музей МТЗ.

На прадпрыемстве адзначылі, што ў бягучым годзе назіраецца пазітыўная дынаміка ў частцы паставак тэхнікі BELARUS у Рэспубліку Саха. Так, у студзені - жніўні 2024 года тэмп росту экспарту склаў 118 працэнтаў у натуральным выражэнні, 134 працэнты - у грашовым (у параўнанні з аналагічным мінулагоднім перыядам).

Кіраўніцтву Рэспублікі Саха былі прадстаўлены ўзоры мадэрнізаваных трактароў і асартымент тэхналагічнага абсталявання, з якімі яны могуць агрэгатавацца. Таксама ішла размова аб развіцці супрацоўніцтва ў сферы адукацыі па стварэнні фірменных вучэбных аўдыторый BELARUS TRACTORS.

версія для друку

зрабіць стартавай

дабавіць у выбранае