Бізнес-навіны

МТЗ паставіць на Кубу 260 трактароў

Фота з архiва

24 жніўня, Мінск /Кар. БЕЛТА/. МТЗ паставіць на Кубу 260 трактароў, паведамляе БЕЛТА са спасылкай на Telegram-канал Мінскага трактарнага завода.

"Нам удалося выбудаваць прамую схему ўзаемадзеяння, выключыўшы рызыку таго, што здзелка можа не адбыцца. Па адным дагаворы атрыманы акрэдытыў, астатнія падпісаны на ўмовах стапрацэнтнай перадаплаты. Частка машын уключана ў план вытворчасці жніўня, частка - верасня. Калі ўсё пройдзе без збояў, да канца наступнага месяца плануем гэтыя кантракты закрыць", - сказала намеснік начальніка ўпраўлення маркетынг-цэнтра па рабоце на рынках Еўропы, Амерыкі і Афрыкі Лаліта Снітко.

У мінулым годзе паставак трактароў BELARUS на Кубу не было.

Мінскі трактарны завод - адзін з буйнейшых вытворцаў сельскагаспадарчай тэхнікі ў свеце. У склад "МТЗ-Холдынга" акрамя МТЗ уваходзяць 10 прадпрыемстваў, створана больш за 20 зборачных вытворчасцей за мяжой. Прадукцыя прадстаўлена на рынках больш як 60 дзяржаў.

версія для друку

зрабіць стартавай

дабавіць у выбранае