Бізнес-навіны

Місія МВФ пачынае работу ў Беларусі

Жак Міньян. Фота з архіва

29 кастрычніка, Мінск /Кар. БЕЛТА/. Місія Міжнароднага валютнага фонду па ацэнцы эканамічнай сітуацыі ў Беларусі пачынае сёння працаваць у Мінску, паведамілі БЕЛТА ў прадстаўніцтве МВФ у Беларусі.

"Місія МВФ пад кіраўніцтвам Жака Міньяна будзе працаваць з 29 кастрычніка па 5 лістапада для ацэнкі бягучай эканамічнай сітуацыі", - паведамілі ў прадстаўніцтве.

Запланаваны традыцыйныя сустрэчы місіі фонду ў беларускім урадзе, Нацыянальным банку, а таксама з экспертамі.

Як паведамлялася раней, у пачатку 2020 года чакаецца місія МВФ па Артыкуле IV статута фонду. У адпаведнасці з Артыкулам IV з дзяржавамі-членамі праводзяцца двухбаковыя абмеркаванні, звычайна кожны год. Група супрацоўнікаў МВФ прыязджае ў краіну, збірае эканамічную і фінансавую інфармацыю і абмяркоўвае з афіцыйнымі органамі змяненні ў эканоміцы і эканамічную палітыку. Пасля вяртання ў штаб-кватэру МВФ персанал рыхтуе даклад.

версія для друку

зрабіць стартавай

дабавіць у выбранае