Бізнес-навіны

Місія МАГАТЭ па разглядзе пытанняў эксплуатацыйнай бяспекі пачала работу на БелАЭС

5 жніўня, Мінск /Кар. БЕЛТА/. Місія МАГАТЭ па разглядзе пытанняў эксплуатацыйнай бяспекі (Pre-OSART) 5 жніўня пачала работу на Беларускай АЭС, паведамілі карэспандэнту БЕЛТА ў прэс-службе Міністэрства энергетыкі.

Мэта місіі - пацвярджэнне гатоўнасці дзяржаўнага прадпрыемства "Беларуская АЭС" як эксплуатуючай арганізацыі да ўводу станцыі ў эксплуатацыю і далейшай надзейнай і бяспечнай эксплуатацыі энергаблокаў.

Каманда экспертаў МАГАТЭ разгледзіць 10 галін: "Лідарства і кіраванне на прадпрыемстве", "Эксплуатацыя АЭС, яе тэхнічнае абслугоўванне", "Тэхнічная падтрымка эксплуатацыі АЭС", "Навучанне і кваліфікацыя персаналу", "Радыяцыйная ахова, хімія, абмен вопытам эксплуатацыі", "Кіраванне аварыямі, аварыйнае планаванне і рэагаванне" і іншыя.

Работа місіі прадоўжыцца да 22 жніўня.

Місія Pre-OSART (Operational Safety Review Team - місія групы аналізу эксплуатацыйнай бяспекі) у адпаведнасці з рэгламентам МАГАТЭ праводзіцца для будуемых і ўводзімых у эксплуатацыю АЭС да загрузкі ядзернага паліва.

версія для друку

зрабіць стартавай

дабавіць у выбранае