Бізнес-навіны

Імпартазамяшчэнне, інвестпраекты, якасць. Каранкевіч аб задачах у прамысловасці

Віктар Каранкевіч

13 жніўня, Мінск /Кар. БЕЛТА/. Новы намеснік прэм'ер-міністра Віктар Каранкевіч, які курыруе галіны прамысловасці, пасля прадстаўлення кіраўніка міністэрстваў, ведамстваў і канцэрнаў расказаў журналістам аб задачах, якія стаяць перад прамысловасцю, перадае карэспандэнт БЕЛТА.

Віктар Каранкевіч падкрэсліў, што новая пасада для яго азначае праяўленне вялікага даверу. "Гэта таксама і вялікая адказнасць. Таму ўжо з раніцы я знаходжуся тут, на рабочым месцы, для таго, каб ужо аператыўна ўваходзіць у курс усіх пытанняў, якія звязаны з дзейнасцю курыруемых галін, а таксама, каб паглыбіцца ў тыя задачы, якія пастаўлены перад імі. Гэта неабходна для выпрацоўкі і далейшай работы па вырашэнні задач, якія стаяць перад галінамі", - адзначыў ён.

Паводле слоў віцэ-прэм'ера, асноўная задача - гэта далейшая рэалізацыя інвестыцыйных праектаў, мадэрнізацыя асноўных вытворчых фондаў і пытанне імпартазамяшчэння.

"У прамысловасці якраз рэалізацыя інвестыцыйных праектаў накіравана на пашырэнне імпартазамяшчэння. Акрамя таго, стаіць задача па ўкараненні сучаснага абсталявання, павышэнні эфектыўнасці работы прадпрыемстваў", - расказаў Віктар Каранкевіч.

Пытанні якасці новы віцэ-прэм'ер таксама назваў адной з важнейшых задач. "Была пастаўлена задача - беларуская прадукцыя павінна быць запатрабаванай і на ўнутраным рынку, і за межамі краіны", - падкрэсліў ён.

Да назначэння на гэту пасаду Віктар Каранкевіч працаваў міністрам энергетыкі.

версія для друку

зрабіць стартавай

дабавіць у выбранае