Бізнес-навіны
Молчан: У Паўднёвай Афрыцы ствараецца добрая інфраструктура для абслугоўвання тэхнікі з Беларусі
8 ліпеня, Мінск /Кар. БЕЛТА/. У Паўднёвай Афрыцы ствараецца добрая інфраструктура для абслугоўвання складанатэхнічнай прадукцыі з Беларусі. Аб гэтым сёння журналістам заявіў Надзвычайны і Паўнамоцны Пасол Беларусі ў ПАР і Зімбабвэ па сумяшчальніцтве Андрэй Молчан, перадае карэспандэнт БЕЛТА.
Паводле слоў дыпламата, многае ўжо зроблена для фарміравання дылерскай, маркетынгавай, сэрвіснай інфраструктуры ў такіх краінах, як ПАР, Зімбабвэ, Мазамбік. "Без забеспячэння абслугоўвання складанатэхнічнай прадукцыі, якая паступае на гэтыя рынкі, замацавацца на іх складана. Высокая канкурэнцыя з боку заходніх і азіяцкіх вытворцаў", - адзначыў пасол.
Зробленыя захады далі магчымасць сур'ёзна нарасціць экспарт беларускай складанатэхнічнай прадукцыі. Размова ідзе, напрыклад, аб тэхніцы ААТ "БелАЗ".
У цэлым наменклатура беларускага экспарту ў краіны рэгіёна пашыраецца, у яе ўваходзяць ільняныя тканіны, лазернае і аптычнае абсталяванне, прадукцыя легпрама.
версія для друку
зрабіць стартавай
дабавіць у выбранае