Бізнес-навіны

Мінэканомікі ініцыявала серыю сустрэч з рэгіёнамі па абмеркаванні праекта НСУР-2040

Андрэй Картун. Фота economy.gov.by

19 верасня, Мінск /Кар. БЕЛТА/. На працягу тыдня Міністэрства эканомікі запланавала і арганізавала правядзенне рабочых сустрэч у анлайн-фармаце з прадстаўнікамі мясцовых органаў улады, аблвыканкамаў і дэлегатамі Усебеларускага народнага сходу, прысвечаных праекту Нацыянальнай стратэгіі ўстойлівага развіцця на перыяд да 2040 года, паведамілі БЕЛТА ў эканамічным ведамстве.

Першы намеснік міністра эканомікі Андрэй Картун ужо расказаў прадстаўнікам Віцебскай, Гомельскай і Гродзенскай абласцей аб прынцыпах фарміравання стратэгічных дакументаў у рамках абноўленай сістэмы дзяржпланавання і прагназавання, якія прымяняліся і пры распрацоўцы праекта НСУР-2040. Падыход наступны: ставім перад сабой амбіцыйныя задачы, а перашкоды абазначаем як мерапрыемствы для іх дасягнення.

"У НСУР-2040 з вашай дапамогай мы вызначылі ключавыя напрамкі рэгіянальнага развіцця і ўнікальныя перспектыўныя асаблівасці для кожнай вобласці. Галоўны чаканы вынік яе рэалізацыі - моцныя эканамічныя цэнтры, якія падтрымліваюць цесную інфраструктурную ўзаемасувязь з прылеглымі раёнамі і развіваюцца з імі як адзіны комплекс, дапаўняючы і ўзмацняючы адзін аднаго", - адзначыў першы намеснік міністра эканомікі.

Праект НСУР-2040 да канца месяца плануецца размясціць для грамадскага абмеркавання на сайце Мінэканомікі. У снежні ён будзе ўнесены ва ўрад.

версія для друку

зрабіць стартавай

дабавіць у выбранае