Бізнес-навіны
"Мілавіца" адкрые ў канцы мая першы фірменны магазін у Тэгеране
18 мая, Мінск /Кар. БЕЛТА/. СП ЗАТ "Мілавіца" адкрые ў канцы мая першы фірменны магазін у Тэгеране (Іран). Аб гэтым БЕЛТА паведамілі ў канцэрне "Беллегпрам".
Першы магазін адкрыецца ў адным з самых папулярных гандлёвых цэнтраў іранскай сталіцы -
SAM center. Да канца года будзе адкрыты яшчэ адзін фірменны гандлёвы аб'ект "Мілавіцы".У канцэрне "Беллегпрам" расказалі, што адпаведныя дамоўленасці сталі вынікам супрацоўніцтва са шматпрофільнай іранскай кампаніяй
Paidar Sazane Paytakht, якая спецыялізуецца ў тым ліку на пошуку перспектыўных вытворцаў, якія маглі б быць прадстаўлены ў Іране.Актыўныя кантакты самага вядомага айчыннага вытворцы гарсэтных вырабаў з замежнымі партнёрамі стартавалі ў пачатку красавіка. "Мілавіца" не раз прымала ў сябе гасцей з Ірана, праводзіла сустрэчы з калегамі, занятымі дызайнам бялізны і дызайнам інтэр'ера гандлёвых плошчаў. З улікам пажаданняў партнёраў былі адабраны мадэлі, якія могуць быць найбольш запатрабаваны ў азіяцкай краіне", - адзначылі ў "Беллегпраме". Таксама была распрацавана праграма пашырэння беларускай маркі на рынку Ірана, якая пачнецца з набыцця прадукцыі кампаніі на суму не менш як 200 тыс. еўра.
Партнёры таксама ўзгаднілі праграму продажаў і адкрыцця магазінаў на 2016-2017 гады. Так, да канца 2017 года ў Іране плануецца адкрыць 10 фірменных магазінаў "Мілавіцы".
У "Беллегпраме" адзначылі, што акрамя "Мілавіцы" іранскія прадстаўнікі гатовы да цеснага супрацоўніцтва з ААТ "Камінтэрн".
версія для друку
зрабіць стартавай
дабавіць у выбранае