Бізнес-навіны

Металургічны холдынг асвоіў 35 відаў новай і імпартазамяшчальнай прадукцыі на $480 млн у 2021 годзе

30 сакавіка, Гомель /Кар. БЕЛТА/. Прадпрыемствы холдынга "БМК" асвоілі 35 відаў новай і імпартазамяшчальнай прадукцыі на $480 млн у 2021 годзе, паведамілі БЕЛТА ў прэс-службе БМЗ.

Сярод асвоенай прадукцыі - пракат розных марак сталей і металакорд для аўтамабілебудавання, больш за 20 тыпаразмераў падшыпнікаў і спецыяльныя саманарэзныя дахавыя вінты.

Дзякуючы мерам па зніжэнні імпартаёмістасці на аптымізацыі долі ўвозімых з-за мяжы сыравіны, камплектуючых, матэрыялаў і інструментаў сэканомлена больш за $57 млн. План па імпартазамяшчэнні холдынг перавыканаў амаль на 35 працэнтаў.

ААТ "БМЗ - кіруючая кампанія холдынга "БМК" - высокатэхналагічнае прадпрыемства металургічнай галіны. Структурна складаецца з чатырох звязаных адным тэхналагічным ланцужком вытворчасцей: сталеплавільнай, пракатнай, трубнай, метызнай - і цэхаў інфраструктуры.

версія для друку

зрабіць стартавай

дабавіць у выбранае