Бізнес-навіны

МАЗ пашырыць супрацоўніцтва з Башкортастанам

17 сакавіка, Мінск /Кар. БЕЛТА/. Мінскі аўтамабільны завод пашырыць супрацоўніцтва з Рэспублікай Башкортастан. Аб гэтым БЕЛТА паведамілі ў прэс-службе прадпрыемства.

Генеральны дырэктар Мінскага аўтазавода Валерый Іванковіч сустрэўся з прадстаўніком АНА "Кангрэс-бюро Башкортастана" Канстанцінам Кліміным.

У час візіту бакі абмеркавалі напрамкі развіцця партнёрства па шырокім коле пытанняў. Госць правёў прэзентацыю патэнцыяльных партнёраў для ААТ "МАЗ" з Башкортастана. "Бакі вырашылі прадоўжыць бізнес-кантакты і правесці дзелавыя перагаворы ў Башкортастане", - дадалі ў прэс-службе.

Мінскі аўтамабільны завод - адно з буйнейшых беларускіх машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Гандлёвая марка шырока вядома ў СНД і далёкім замежжы. Тэхніка адпавядае экалагічным стандартам Еўра-3, 4, 5 і 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.

версія для друку

зрабіць стартавай

дабавіць у выбранае