Бізнес-навіны
Мацвіенка прапануе скаардынаваць праграмы імпартазамяшчэння ў Беларусі і Расіі
18 верасня, Сочы /Эдуард Півавар - БЕЛТА/. Спікер Савета Федэрацыі Федэральнага сходу Расіі Валянціна Мацвіенка прапануе скаардынаваць праграмы імпартазамяшчэння ў Беларусі і Расіі. Аб такой ініцыятыве яна расказала сёння журналістам у час II Форуму рэгіёнаў Беларусі і Расіі ў Сочы, перадае карэспандэнт БЕЛТА.
У сваю чаргу старшыня Савета Рэспублікі Міхаіл Мясніковіч адзначыў, што беларускі бок мае намер дабівацца таго, каб у расійскіх праграмах імпартазамяшчэння беларускія прадпрыемствы былі прыраўнаваны да нацыянальных вытворцаў.
Валянціна Мацвіенка, гаворачы аб сочынскім форуме, ахарактарызавала яго як змястоўны і прафесійны дыялог. "Удзельнікамі форуму выказана шмат новых ідэй, канструктыўных прапаноў", - сказала яна.
Паводле слоў спікера Савета Федэрацыі, форум аказаўся вельмі запатрабаваным і прадстаўнічым, у ім прынялі ўдзел кіраўнікі 60 рэгіёнаў Расіі, што ў два разы больш, чым у мінулагоднім форуме, а таксама кіраўнікі ўсіх абласцей Беларусі, прадстаўнікі расійскага і беларускага бізнесу.
версія для друку
зрабіць стартавай
дабавіць у выбранае