Бізнес-навіны
Макей абмеркаваў з экспертамі-палітолагамі Еўрапейскага савета па міжнародных адносінах тэму дыялогу Беларусь - ЕС
31 сакавіка, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей правёў сёння сустрэчу з групай экспертаў-палітолагаў Еўрапейскага савета па міжнародных адносінах, паведамілі БЕЛТА ў прэс-службе беларускага знешнепалітычнага ведамства.
Адбыўся шырокі абмен меркаваннямі па пытаннях палітычнага дыялогу па лініі Беларусь - Еўрасаюз, удзелу Беларусі ў ініцыятыве "Усходняе партнёрства", абмеркавана сітуацыя ў рэгіёне.
У час візіту эксперты таксама правялі сустрэчу з першым намеснікам прэм'ер-міністра Беларусі Васілём Мацюшэўскім. Былі разгледжаны пытанні ўдзелу Беларусі ў інтэграцыйных утварэннях на еўразійскай прасторы, а таксама ўзаемадзеяння паміж Еўрасаюзам і Еўразійскім эканамічным саюзам.
Сёння таксама адбудзецца сустрэча еўрапейскіх палітолагаў з членамі Савета Рэспублікі і Палаты прадстаўнікоў Нацыянальнага сходу.
версія для друку
зрабіць стартавай
дабавіць у выбранае