Бізнес-навіны

Магчымасць праводзіць разлікі ў кітайскіх юанях з'явіцца на БУТБ

Фота БУТБ

8 ліпеня, Мінск /Кар. БЕЛТА/. На Беларускай універсальнай таварнай біржы ў хуткім часе з'явіцца магчымасць праводзіць усе разлікі ў кітайскіх юанях, паведамілі БЕЛТА ў прэс-службе БУТБ.

Як адзначылі на біржы, гэта закране разлікі па біржавых дагаворах, аплату біржавога збору і пералічэнне задатку. Пакуль гэтыя аперацыі могуць ажыццяўляцца толькі ў беларускіх і расійскіх рублях, еўра і доларах. Дабаўленне новай валюты абумоўлена значна ўзросшай колькасцю здзелак, што праводзяцца кітайскімі кампаніямі на біржавых таргах, і дасць магчымасць спрасціць фінансавы бок біржавой дзейнасці для ўдзельнікаў з Кітая, растлумачылі ў прэс-службе.

"З пункту гледжання развіцця трансгранічнага біржавога гандлю рынак Кітая сёння адзін з найбольш перспектыўных. На біржы акрэдытавана 45 кітайскіх кампаній, больш як палавіна з якіх рэгулярна ўдзельнічае ў таргах. Акрамя таго, раз у два тыдні праводзяцца спецыяльныя гандлёвыя сесіі па рэалізацыі піламатэрыялаў у КНР. Усё гэта ў комплексе садзейнічае дынамічнаму росту тавараабароту з Кітаем. Па выніках паўгоддзя ён дасягнуў $25,6 млн, пры тым што за ўвесь 2020 год гэты паказчык склаў $13,4 млн. Таму ў мэтах далейшага павышэння прывабнасці біржавой пляцоўкі для кітайскіх кліентаў прынята рашэнне аб прадастаўленні ім магчымасці праводзіць усе неабходныя разлікі ў юанях. Гэта не толькі спросціць фінансавыя транзакцыі, але і здыме магчымыя валютныя рызыкі. Такім чынам, біржа зрабіла чарговы крок насустрач кітайскім удзельнікам таргоў", - адзначылі ў прэс-службе.

версія для друку

зрабіць стартавай

дабавіць у выбранае