Бізнес-навіны

30 лістапада, Мінск /Кар. БЕЛТА/. Магчымасці гандлёва-эканамічнага супрацоўніцтва з Беларуссю будуць прэзентаваны ў 2016 годзе ў Марсэлі. Такая дамоўленасць дасягнута на сустрэчы Надзвычайнага і Паўнамоцнага Пасла Беларусі ў Францыі Паўла Латушкі з віцэ-мэрам Марсэля Дзідзье Паракянам і віцэ-прэзідэнтам Гандлёва-прамысловай палаты Марсэля і рэгіёна Праванс Луі Алоцыа, паведамілі БЕЛТА ў прэс-службе МЗС.

Плануецца, што да ўдзелу ў прэзентацыі будуць запрошаны прадстаўнікі бізнесу не толькі Марсэля, але і ўсяго рэгіэёна, дадалі ў прэс-службе.

Бакі абмеркавалі перспектывы развіцця супрацоўніцтва Беларусі і рэгіёна Праванс у эканамічнай і культурнай сферах. Павел Латушка прадставіў інфармацыю аб дзейнасці пасольства па развіцці двухбаковых адносін з рэгіёнамі Францыі ў сферы эканомікі і культуры. У час сустрэчы ў мэрыі дасягнута дамоўленасць аб правядзенні ў Марсэлі Дзён беларускага кіно.