Бізнес-навіны

Мадэль беларускага трактара для паўднёвых краін прадставілі на форуме "Расія - ісламскі свет" у Казані

Фота пасольства Беларусі ў Расіі

17 мая, Масква /Эдуард Півавар - БЕЛТА/. Мадэль беларускага трактара для паўднёвых краін прадставілі на XV Міжнародным эканамічным форуме "Расія - ісламскі свет: Казанфорум-2024", які праходзіць у Казані. Аб гэтым паведамілі БЕЛТА ў прэс-службе пасольства Беларусі ў Расіі.

"Разам з віцэ-прэм'ерам Расіі Маратам Хуснуліным і кіраўніком Татарстана Рустамам Мініханавым кіраўнік аддзялення пасольства ў Казані Віктар Шчацько, госці з 84 рэгіёнаў Расіі і 85 краін свету змаглі азнаёміцца з новай безкабіннай мадэллю трактара МТЗ-512 для паўднёвых краін і іншымі мадэлямі тэхнікі", - расказалі ў прэс-службе.

На форуме таксама прадстаўлена тэхніка ТАА "ГВК МТЗ-Татарстан", ААТ "АМКАДОР" і тэхніка МАЗ на газаматорным паліве.

версія для друку

зрабіць стартавай

дабавіць у выбранае