Бізнес-навіны

Лукашэнка звяртае ўвагу на магчымасць пашырэння беларускіх будаўнічых паслуг у Расіі

18 верасня, Мінск /Кар. БЕЛТА/. Прэзідэнт Беларусі Аляксандр Лукашэнка звяртае ўвагу на магчымасць пашырэння беларускіх будаўнічых паслуг у Расіі. Аб гэтым ён заявіў сёння, наведваючы ААТ "МАПІД", перадае карэспандэнт БЕЛТА.

Кіраўнік дзяржавы адзначыў, што ў РФ цяпер актыўна рэалізуюцца розныя праекты, дзе могуць быць запатрабаваны беларускія будаўнікі. Аб гэтым ішла размова і ў час перагавораў Аляксандра Лукашэнкі з Прэзідэнтам Расіі Уладзімірам Пуціным.

Адзін з буйных праектаў - гэта будаўніцтва касмадрома "Усходні" ў Амурскай вобласці Расіі. "Гэта вельмі добры аб'ект, і ён ім вельмі патрэбны. Яны гатовы плаціць любыя грошы. У Расіі (на жаль для іх і, можа, на шчасце для нас) гэты інтарэс. Гэта наша перспектыва, і там трэба будаваць", - сказаў Аляксандр Лукашэнка.

Як было даложана кіраўніку дзяржавы, ААТ "МАПІД" імкнецца пашырыць сваю прысутнасць на расійскім рынку. У прыватнасці, заключаны кантракт на будаўніцтва ў Обнінску Калужскай вобласці 10 жылых дамоў плошчай 70 тыс. кв.м. Вядуцца перагаворы па будаўніцтве беларускага квартала ў Ніжнім Ноўгарадзе.

версія для друку

зрабіць стартавай

дабавіць у выбранае