Бізнес-навіны

Лукашэнка запатрабаваў узмацніць выканальніцкую дысцыпліну і неадкладна выконваць прынятыя рашэнні

3 снежня, Мінск /Кар. БЕЛТА/. Прэзідэнт Беларусі Аляксандр Лукашэнка запатрабаваў узмацніць выканальніцкую дысцыпліну і неадкладна выконваць прынятыя рашэнні. Адпаведныя заявы кіраўнік дзяржавы зрабіў сёння на нарадзе па сацыяльна-эканамічным развіцці краіны, перадае карэспандэнт БЕЛТА.

Беларускі лідар падкрэсліў, што ў сітуацыі процістаяння калектыўнаму Захаду трэба выстаяць, чаго б гэта ні каштавала. "А выстаім толькі тады, калі будзем адзіныя і маналітныя. Таму дысцыпліна, стараннасць павінны стаць у аснову. Не павінна быць доўгіх, працяглых размоў, угавораў. Рашэнне прынята - выконвайце. Калі ідзе такая бойня, нарады не збіраюцца, каб параіцца, у якім напрамку будзем дзейнічаць. Часам рашэнні трэба прымаць імгненна", - растлумачыў Прэзідэнт.

Што датычыцца службовых асоб, якія павінны прымаць кіраўніцкія рашэнні, яны вызначаны ў Канстытуцыі, законах, дзеянні якіх ніхто не адмяняў, звярнуў увагу кіраўнік дзяржавы. "Таму яшчэ раз паўтараю: у аснову трэба паставіць выканальніцкую дысцыпліну. І мы элементарна выстаім і, галоўнае, не дапусцім таго, каб тыя праблемы, якія мы павінны вырашаць, былі апушчаны і скінуты на наш народ, на людзей. Людзі хочуць жыць нармальна, і мы павінны ў любой сітуацыі забяспечыць гэта нармальнае жыццё", - рэзюмаваў Аляксандр Лукашэнка.

версія для друку

зрабіць стартавай

дабавіць у выбранае