Бізнес-навіны

Лукашэнка заявіў аб жаданні пераарыентаваць на парты Санкт-Пецярбурга амаль 20 млн т грузаў

24 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка заявіў аб жаданні пераарыентаваць на парты Санкт-Пецярбурга амаль 20 млн т грузаў. Аб гэтым ён заявіў 24 чэрвеня на сустрэчы з губернатарам Санкт-Пецярбурга Аляксандрам Бягловым, перадае карэспандэнт БЕЛТА.

"Ёсць аб чым пагаварыць. Асабліва ў плане націску Захаду на Беларусь. Мы поўнасцю хочам мільёнаў 20 тон пераарыентаваць, свае патокі, на вашы парты. І буду прасіць у вас падтрымкі і дапамогі. З Прэзідэнтам Расіі мы аб гэтым дамовіліся. Вы ведаеце, ён вам тэлефанаваў наконт гэтага. Думаю, што калі мы з вамі тут разгорнемся, то і для Піцера гэта будзе добры кавалак работы. І для нашых піцерскіх сяброў добрыя рабочыя месцы", - заявіў кіраўнік дзяржавы.

Як паведамлялася БЕЛТА, выкарыстанне расійскай партовай інфраструктуры для перавалкі беларускіх грузаў абмяркоўвалася ў пачатку чэрвеня і на сустрэчы ў Мінску Аляксандра Лукашэнкі з губернатарам Ленінградскай вобласці Расіі Аляксандрам Драздзенкам. "Я крыху прыадкрыю заслону, таму што не гатовы і не маю пакуль права гаварыць падрабязнасці. Мы разгледзелі камбінаваны варыянт. Беларускія спецыялісты паглядзелі ўжо зямельныя ўчасткі, на якіх можна будаваць уласныя партовыя збудаванні. Называліся вельмі сціслыя тэрміны будаўніцтва. А паралельна выкарыстоўваць існуючыя тэрміналы. І мы назвалі некалькі тэрміналаў, якія гатовы ўжо сёння заключыць пагадненні, дагаворы аж да перадачы, можа, нават часткі тэрыторыі, часткі партовых магутнасцей у кіраванне беларускаму боку, каб ужо сёння пайшлі адгрузкі", - расказаў 2 чэрвеня журналістам Аляксандр Драздзенка.

версія для друку

зрабіць стартавай

дабавіць у выбранае