Бізнес-навіны

Лукашэнка разлічвае на рост тавараабароту з Венгрыяй у бліжэйшыя гады да 500 млн еўра

5 чэрвеня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка разлічвае на рост тавараабароту з Венгрыяй у бліжэйшыя гады да 500 млн еўра. Аб гэтым ён заявіў сёння, падводзячы вынікі перагавораў з прэм'ер-міністрам Венгрыі Віктарам Орбанам, перадае карэспандэнт БЕЛТА.

"Калі б мы ў бліжэйшыя два-тры гады дасягнулі паўмільярднага тавараабароту, было б нядрэнна. Мы завоблачныя лічбы не ставім. Пакуль нам трэба дасягнуць 500 млн еўра. І будзем лічыць, што такі першы этап нашых інтэнсіўных кантактаў прынясе адчувальны поспех", - адзначыў кіраўнік дзяржавы.

Паводле яго слоў, асноўная частка перагавораў была прысвечана пытанням эканомікі. Бакі адзначылі, што цяперашні тавараабарот, які складае каля $255 млн, абсалютна не адпавядае патэнцыялам Венгрыі і Беларусі. "Гэта не той тавараабарот, які павінен быць паміж намі", - упэўнены беларускі лідар.

"Мы вельмі зацікаўлены ў вашых будаўніках, фармацэўтах, якія вырабляюць вельмі добрыя лякарствы і прэпараты", - пералічыў кіраўнік дзяржавы толькі некаторыя са сфер, якія ўяўляюць сабой інтарэс для развіцця супрацоўніцтва.

версія для друку

зрабіць стартавай

дабавіць у выбранае