Бізнес-навіны
Лукашэнка прапануе наладзіць больш цеснае супрацоўніцтва з ТНК для прыцягнення інвестыцый
28 студзеня, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка лічыць неабходным наладзіць больш цеснае супрацоўніцтва з транснацыянальнымі карпарацыямі для прыцягнення ў краіну інвестыцый. Такую задачу ён паставіў сёння чыноўнікам на калегіі МУС па выніках работы органаў унутраных спраў за 2015 год, перадае карэспандэнт БЕЛТА.
Паводле слоў кіраўніка дзяржавы, транснацыянальныя карпарацыі пачалі актыўна выводзіць грошы з Кітая. "Куды яны іх выводзяць? Шукаюць месца. Нам трэба прапанаваць", - лічыць Прэзідэнт.
"Гэтыя ж карпарацыі паднялі Кітай, - адзначыў Аляксандр Лукашэнка. - Давайце прапануем ім. І яны глядзяць на нас ужо, і многія прапануюць у Беларусь інвесціраваць. Гэта для нас добра".
Пры гэтым Прэзідэнт звярнуў увагу на неабходнасць строгага парадку. "Ні адзін камерсант не прыйдзе сюды, калі тут не будзе парадку, - адзначыў кіраўнік дзяржавы. - Нам трэба гэты час утрымацца і прыцягнуць сюды тых, хто мае грошы, для таго каб зарабіць самім, каб народ жыў лепш".
версія для друку
зрабіць стартавай
дабавіць у выбранае