Бізнес-навіны

Лукашэнка пра АПК: не сыравіну трэба вывозіць, а гатовую прадукцыю

11 ліпеня, Аршанскі раён /Кар. БЕЛТА/. Прэзідэнт Беларусі Аляксандр Лукашэнка арыентуе адказных за аграпрамысловы комплекс на экспарт пераважна гатовай прадукцыі, а не сыравіны або паўфабрыкатаў. Аб гэтым ён заявіў у ходзе рабочай паездкі ў Аршанскі раён.

"Трэба круціцца цяпер і думаць. Не сыравіну вывозіць або паўфабрыкат, а гатовую прадукцыю", - сказаў Прэзідэнт.

Адзін з прыкладаў - наяўнасць на складах пэўных аб'ёмаў сухога малака. Як запэўнілі Аляксандра Лукашэнку адказныя за АПК чыноўнікі, яны разлічваюць у хуткім часе на рэалізацыю гэтай прадукцыі, і сітуацыя не выклікае апасенняў.

Але Аляксандр Лукашэнка прывёў прыклад прадукцыі, якую робяць з сухога малака ў Кітаі: "Бяруць сухое малако. І яны прасуюць у цукеркавы выгляд. А чаму мы гэта не робім?"

У такія цукеркі дабаўляюць мёд або іншыя напаўняльнікі - у выніку выходзіць смачная, недарагая і карысная прадукцыя, якая на кітайскім рынку карыстаецца вялікай папулярнасцю. Аляксандр Лукашэнка ўпэўнены, што такія цукеркі, якія ён і сам спрабаваў, маглі б прыйсціся даспадобы і жыхарам Беларусі, а таксама іншых краін.

версія для друку

зрабіць стартавай

дабавіць у выбранае