Бізнес-навіны

Лукашэнка падпісаў указ, які павышае прывабнасць механізма падтрымкі экспарту

4 лютага, Мінск /Кар. БЕЛТА/. Прэзідэнт Беларусі Аляксандр Лукашэнка 4 лютага падпісаў указ нумар 39, які прадугледжвае павышэнне прывабнасці і даступнасці механізма падтрымкі экспарту беларускай прадукцыі. Дакументам змяняюцца нормы некаторых былых указаў кіраўніка дзяржавы, паведамілі БЕЛТА ў прэс-службе беларускага лідара.

Прадугледжваецца магчымасць для ААТ "Банк развіцця Рэспублікі Беларусь" пры крэдытаванні экспарту беларускай прадукцыі прадастаўляць у 2021-2022 гадах экспартныя крэдыты рэзідэнтам Беларусі для вытворчасці тавараў, работ, паслуг і далейшай іх рэалізацыі нерэзідэнтам; выкарыстоўваць у 2021-2022 гадах такія фінансавыя інструменты, як факторынг (уступка грашовага патрабавання), постфінансаванне і дыскантаванне акрэдытываў.

Акрамя таго, у 2021-2022 гадах прадастаўляецца права банкам Беларусі (паводле зацверджанага Саветам Міністраў пераліку) выдаваць экспартныя крэдыты рэзідэнтам для вытворчасці тавараў, работ, паслуг і далейшай іх рэалізацыі нерэзідэнтам, таксама нерэзідэнтам для аплаты рэалізуемых рэзідэнтамі тавараў, работ, паслуг.

Страхавым арганізацыям, уласны капітал якіх складае не менш як Br25 млн, прадастаўляецца права без прыцягнення сродкаў бюджэту для ажыццяўлення страхавых выплат праводзіць страхаванне экспартных рызык.

Яшчэ адна навацыя - адмена мінімальнай сумы прадастаўлення экспартных крэдытаў (сума, эквівалентная не менш як $200 тыс.).

версія для друку

зрабіць стартавай

дабавіць у выбранае