Бізнес-навіны

У час сустрэчы фермеры ў ліку асноўных праблемных пытанняў, якія стрымліваюць іх развіццё, неаднаразова называлі цяжкасці з выкупам маёмасці, якую яны арандуюць. Паводле іх слоў, калі б гэтыя будынкі і збудаванні перайшлі да іх ва ўласнасць, то і стаўленне да іх было б іншае. Тады яны былі б гатовы інвесціраваць у іх рамонт і мадэрнізацыю значныя сродкі.

"Гэта не той выпадак, дзе дзяржава павінна трымацца за гэту ўласнасць, напрыклад, стары свінакомплекс, які быў бы даўно ўжо разбураны. Я думаю, нам трэба прадумаць, сабраць разам усе праблемныя пытанні фермерскай супольнасці, звязаныя з уласнасцю, і адным махам іх вырашыць", - даручыў Аляксандр Лукашэнка.

На думку кіраўніка дзяржавы, атрымаўшы ва ўласнасць маёмасць, фермер будзе больш актыўна ўкладваць у яе сродкі, можа будаваць што-небудзь новае, але, прынамсі, пакуль новае пабудуе, адрамантуе старое. "Таму давайце ад жыцця пойдзем і вырашым гэта пытанне. Але трэба ўлічваць, што ў пытанні прыватнай уласнасці мы яшчэ толькі ў пачатку шляху. І нам трэба вельмі асцярожна ісці, улічваючы меркаванне грамадства", - лічыць Аляксандр Лукашэнка.