Бізнес-навіны

Лукашэнка: беларусы ствараюць такія аўтамабілі, што любая краіна можа пазайздросціць

24 кастрычніка, Мінск /Кар. БЕЛТА/. Беларусы ствараюць такія аўтамабілі, што любая краіна можа пазайздросціць. Аб гэтым Прэзідэнт Беларусі Аляксандр Лукашэнка заявіў 24 кастрычніка на сустрэчы з маладзёжным актывам, перадае карэспандэнт БЕЛТА.

Сярод удзельнікаў сустрэчы былі маладыя супрацоўнікі розных прадпрыемстваў. Работнік "БЕЛДЖЫ", у прыватнасці, пацікавіўся ў кіраўніка дзяржавы, якім ён бачыць далейшае развіццё аўтамабілебудавання.

У снежні "БЕЛДЖЫ" будзе ўжо 12 гадоў. Гісторыя завода пачыналася з невялікай вытворчасці, дзе працавалі крыху больш за 50 чалавек. Цяпер гэта вядомае на ўсю краіну прадпрыемства, тут працуюць амаль паўтары тысячы чалавек. Аўтамабілі Geely карыстаюцца велізарнай папулярнасцю не толькі сярод беларусаў, але і за мяжой. Попыт на іх пастаянна расце.

"Мы краіна аўтамабілістаў. Мы ствараем такія машыны, што любая краіна можа пазайздросціць: і малатанажныя, і сярэднетанажныя, і буйнатанажныя - БЕЛАЗ. МАЗ - сярэдняга класа аўтамабіль па грузападымальнасці", - адзначыў Аляксандр Лукашэнка.

У час урачыстага адкрыцця завода "БЕЛДЖЫ" ў лістападзе 2017 года Прэзідэнт заявіў, што яго мара - вырабляць у Беларусі ўласны легкавы аўтамабіль - ажыццявілася. Партнёрам выступіў кітайскі бок.

Чакаецца, што ў 2023 годзе прадпрыемства выпусціць больш за 60 тыс. аўтамабіляў - гэта ў два разы вышэй за мінулагоднія паказчыкі. "Аўтамабіль у нас будзе. Будзе асноўны добры аўтамабіль, і дадаткова мы яшчэ прыцягваем сюды інвестараў, каб яны выраблялі аўтамабілі", - сказаў кіраўнік дзяржавы.

версія для друку

зрабіць стартавай

дабавіць у выбранае