Бізнес-навіны

Лукашэнка адхіліў абвінавачанні ў адрас Беларусі аб нядопуску гуманітарнай дапамогі на граніцу бежанцам

15 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка адхіліў абвінавачанні ў адрас Беларусі аб нядопуску гуманітарнай дапамогі на граніцу бежанцам. Кіраўнік дзяржавы закрануў гэту тэму сёння на сустрэчы з рабочай групай па дапрацоўцы праекта Канстытуцыі, перадае карэспандэнт БЕЛТА.

"Хачу папярэдзіць, што Адміністрацыя Прэзідэнта павінна больш эфектыўна рэагаваць на тыя падзеі, якія адбываюцца ў Беларусі, каб нашы людзі разумелі, што там адбываецца. А то, я гляджу, нас ужо абвінавачваюць (асабліва палякі), што мы блакіруем гуманітарную дапамогу і не аказваем яе бежанцам, якія сканцэнтраваны на дзяржаўнай граніцы", - адзначыў Аляксандр Лукашэнка.

Паводле слоў Прэзідэнта, такія абвінавачанні ў адрас беларускага боку выглядаюць больш чым дзіўна. Асабліва, калі ўлічыць, што кіраўнік дзяржавы даручыў упарадкаваць і арганізаваць дастаўку і размеркаванне гуманітарнай дапамогі бежанцам на граніцы. "Я займаўся гэтым пытаннем усе выхадныя. І ўсе пытанні, якія мною былі даручаны, вырашаны, - заявіў ён. - Мы і дзетак кормім, і цяжарных жанчын. І дровы падвозім, усё, што ім неабходна".

версія для друку

зрабіць стартавай

дабавіць у выбранае