Бізнес-навіны

"Падпісаны пагадненні з кітайскім бокам па рэалізацыі трох праектаў у машынабудаванні на агульную суму больш як $340 млн. Гэта будаўніцтва і развіццё прадпрыемстваў "Амкадор-Маш", "Салеа-Гомель" і "Салеа-Кобрын", - расказаў Юрый Селіверстаў.

Таксама, паводле яго слоў, вывучаецца магчымасць фінансавай падтрымкі праектаў у нафтахімічнай сферы. У прыватнасці, па развіцці беларускіх нафтаперапрацоўчых заводаў і прадпрыемства "Гродна Азот". Кітай гатовы аказаць садзейнічанне па гэтых напрамках, аднак аб канкрэтных лічбах і тэрмінах гаварыць пакуль рана.

Прапрацоўваюцца пытанні ўдзелу кітайскага боку і ў іншых інвестыцыйных праектах у Беларусі. "Сустракаемся з патэнцыяльнымі інвестарамі, якія гатовы мець стасункі і супрацоўнічаць з намі, - сказаў намеснік міністра. - Акрамя таго, мы прапрацоўваем пытанні ўдзелу ў рабоце на ўнутраным фінансавым рынку Кітая".